Google Drawing ངོ་སྤྲོད།

དུས་ཡུན་རིང་པོ་ཞིག་གི་རིང་ངས་དུས་ཚོད་བཏང་ནས་གུ་གུལ་གྱི་རི་མོ་འབྲི་སའི་ཞབས་ཞུ་googleDrawings ནང་ཚོད་ལྟ་འདྲ་མིན་དང། གུ་གུལ་གྱི་ཞབས་ཞུ་དེས་ངའི་ད་ལྟ་དང་མ་འོངས་ཀྱི་ཇུས་འགོད་ལས་གཞི་འདྲ་མིན་ནང་ཕན་ཐོག་ཇི་ཙམ་ཐུབ་མིན་དང། གུ་གུལ་རི་མོའི་ཞབས་ཞུ་དེའི་ནུས་པ་ཆ་ཚང་ཞིག་ཤེས་ཐུབ་པ་བྱས་པ་ཡིན།

ངས་དུས་ཚོད་མི་ཉུང་བ་ཞིག་བཏང་ནས་གུ་གུལ་གྱི་རི་མོ་འབྲི་སའི་ཞབས་ཞུ་ googleDrawings ནང་ཚོད་ལྟ་བྱེར་ཞོར། གུ་གུལ་གྱི་ཞབས་ཞུ་དེས་ངའི་ད་ལྟ་དང་མ་འོངས་ཀྱི་ཇུས་འགོད་ལས་གཞི་ཁག་གི་ནང་ཕན་ཐོག་ཇི་ཙམ་ཐུབ་མིན་དང། གུ་གུལ་རི་མོའི་ཞབས་ཞུ་དེའི་ནུས་པ་ཆ་ཚང་ཞིག་ཤེས་ཐུབ་པ་བྱས་པ་ཡིན།

Google Drawings ཟེར་བའི་ཞབས་ཞུ་དེའི་ཐོག་མར་ཁ་འབྱེད་སྐབས་སྐར་ཁུང་སྟེང་གི་ Paint ཟེར་བའི་མཉེན་ཆས་དེ་དང་འདྲ་པོ་ཡོད། འོན་ཀྱང་དེའི་ནུས་པ་ནི་Paint གི་མཉེན་ཆས་ལྡབ་འགྱུར་གྱིས་ལེགས་པ་འདུག །ལག་ཆ་ཉུང་ཉུང་ཞིག་ལས་མེད་ཀྱང་གང་ཡོད་པ་དེ་དག་སྤྱད་ནས་རི་མོ་དང་མཚོན། དེ་བཞིན་བསམ་ཡུལ་འདས་པའི་ལས་གཞི་མང་པོ་ཞིག་སྒྲུབ་ཐུབ་ཀྱི་འདུག །ཇི་ཙམ་མཉེན་ཆས་དེ་སྤྱད་ཀྱང་དེ་ཚོད་ཀྱིས་རིག་ཤེས་གསར་པ་མང་པོ་འཕེལ་བྱུང་།

ད་ལྟ་ངས་གུ་གུལ་རི་མོའི་ཞབས་ཞུ་དེ་ལས་དོན་མང་པོ་ཞིག་གི་ཆེད་བེད་སྤྱོད་བྱེད་ཀྱི་ཡོད་པ་ནི།

དྲ་ཚིགས་ཆེད་དུ་རི་མོ་རང་ངོས་ནས་བཟོ་སྒྲུབ་བྱེད་པ།
ལས་རྟགས་དང་། མཐའ་ལྕགས་ཀྱི་རི་མོ་བཟོ་བ།
སློབ་ཚན་གྱི་རི་མོ་མི་གསལ་བ་དེ་རིགས་བསྐྱར་དུ་འབྲི་བ།
དཔེ་དེབ་ཀྱི་བརྒྱ་ཤ་ཇུས་འགོད།
དྲ་ཚིགས་ཀྱི་ཇུས་འགོད་འཆར་གཞི་སྒྲིག་པ་སོགས་བེད་སྤྱོད་ཀྱི་གཞི་རྒྱ་ཇི་ཆེར་གཏོང་བཞིན་ཡོད།
སྔར་བྲིས་ཟིན་པའི་རི་མོ་དེ་དག་ཕབ་ལེན་བྱས་ཏེ་ Illustrator དང་ Flash, དེ་བཞིན་Photoshop སོགས་ཀྱི་སྟེང་སྒྲིག་བཟོ་བྱེད་རྒྱུ་ཡང་འདུག

Google Drawings སྤྱད་པའི་དམིགས་གསལ་གྱི་དགེ་མཚན་མང་པོ་ལྡན་འདུག་པ་གཤམ་གསལ།

རི་མོ་རྣམས་ Vector གི་རྣམ་པའི་ཐོག་ཉར་ཚགས་བྱེད་ཀྱི་ཡོད་པར་བརྟེན། ཡིག་ཆའི་སྤུས་ཚད་མཐོ་ཤོས་ཡིན་ཁར་ལྗིད་ཚད་ཧ་ཅང་ཆུང་བའི་དྲ་ཚིགས་ཁག་ཏུ་སྤེལ་རྒྱུར་མཁེ་ཕན་འདུག
Google Drawing ནང་གི་རི་མོར་འགྱུར་བ་ཏང་ན་དྲ་ཚིགས་གཞན་དུ་བཀོད་ཡོད་པའི་རི་མོ་དེ་དག་རང་བཞིན་གྱིས་འགྱུར་བ་འཐེབ་ཐུབ།
གློག་ཀླད་སོགས་ཀྱི་ནང་མཉེན་ཆས་གང་ཡང་བཅུག་མི་དགོས་པར་དྲ་ཐོག་སྒང་ནས་རི་མོ་འབྲི་ཐུབ།
རི་མོ་འབྲི་སའི་ཤོག་ངོས་གཅིག་གི་སྟེང་མི་མང་པོ་མཉམ་རུབ་(collaboration)ཀྱི་རི་མོ་འབྲི་བའམ། རེའུ་མིག་བཀོད་པ། བསམ་ཚུལ་བརྗེ་ལེན་བྱེད་པ་སོགས་བྱེད་རྒྱུའི་མཐུན་རྐྱེན་ཡོད།