Blogger སྒང་གི་ Quick Edit དང་ Wrench Icon དེ་གཉིས་མེད་པ་བཟོ་ཐབས།

གུ་གུལ་ཟིན་བྲིས་བཀོད་སའི་དྲ་ཚུགས་ Blogger ངོས་སུ་ Quick Edit དང་ Wrench གི་རྟགས་དེ་གཉིས་གསུབས་ཏེ་དྲ་ཚིགས་ SEO ཡར་རྒྱས་གཏོང་ཐུབ་པ་དང་ལྷན་དུ་དྲ་ཚིགས་ལ་མཛེས་ཆ་ཞིག་ཀྱང་སྦྱིན་ཐུབ།

Quick Edit དང་ Wrench ཟེར་ན་གང་རེད།

གུ་གུལ་ཟིན་བྲིས་བཟོ་ས་(BLOGGER) ནང་ Quick Edit གི་བྱེད་ནུས་དེ་ཧ་ཅང་ཕན་ཐོག་ཆེན་པོ་ཡོད། དྲ་ཚིགས་བདག་པོས་སོ་སོའི་དྲ་གནས་ཀྱི་རྩོམ་ཡིག་གང་ཞིག་ལྟ་བཞིན་ཡོད་པ་དེའི་ཐོག་སྨྱུག་གུའི་རྟགས་ཆུང་ཆུང་ཞིག་མཐོང་རྒྱུ་ཡོད། སྨྱུག་གུའི་རྟགས་དེའི་ཐོག་གནོན་ཏེ་རྩོམ་དེ་ཉིད་ཐད་ཀར་བཟོ་བཅོས་བྱེད་ཐུབ།

Wrench ཟེར་བའི་རྟགས་དེ་ནི། གུ་གུལ་ཟིན་བྲིས་ངོས་ཀྱི་བྱེད་ནུས་གཞན་ཞིག་ཡིན། དྲ་ངོས་གཡས་གཡོན་དུ་སོ་ཁ་ཆེ་ཆུང་སྒྲིག་ཆོག་པའི་སྐམ་པ་ཞིག་གི་རྟགས་ཡོད། སྐམ་པའི་རྟགས་དེས་དྲ་གནས་ཀྱི་ལྷུ་ལག་ (widget) ཆེ་ཆུང་སོ་སོའི་ནང་བཟོ་སྒྲིག་བྱེད་ཐུབ་རྒྱུའི་ནུས་པ་ཞིག་ཡིན།

Quick Edit དང་ Wrench གི་རྟགས་དེ་གཉིས་ཅིའི་ཕྱིར་སུབ་དགོས་པ་ཡིན་ནམ།

འདིེར་གཙོ་བོ་རྒྱུ་མཚན་གཉིས་ཡོད། དང་པོ་ནི་དྲ་ཚིགས་ཀྱི་ SEO རིམ་པ་འཕར་ཐུབ་པའི་ཆེད་དུ་རེད། SEO དབྱིན་ཡིག་ཐོག་ Search Engine Optimization ཟེར་བ་དང་། དེ་ནི་དྲ་ཐོག་གི་མཚོལ་བཤེར་མ་ལག་ Google Search དང་ Bing, DuckDuckGo, Baidu Search, Yahoo Search སོགས་ཀྱི་ནང་གཞན་གྱི་ཡིག་ཆ་དང་གནས་ཚུལ་འཚོལ་མྱུལ་བྱེད་པའི་སྐབས་སོ་སའི་དྲ་ཚིགས་དང་རྩོམ་ཡིག་རྣམས་འཚོལ་དཔང་ངོས་སུ་ལམ་སེང་ཤར་ཐུབ་པ་དང་གཞན་གྱིས་རྙེད་ཐུབ་པ་ཡོང་རྒྱུའི་ཆེད་དུ་ཡིན། Quick Edit དང་ Wrench རྟགས་ཡོད་ན་ SEO ཉམས་དམས་སུ་གཏོང་གི་ཡོད་སྟབས། དེ་གཉིས་མེད་པ་བཟོ་ཐུབ་ན་དགེ་མཚན་རེད།

རྒྱུ་མཚན་གཞན་དེ་ནི། དྲ་བདག་གྱིས་དྲ་ཚིགས་ལ་བཟོ་བཅོས་དང་རྩོམ་ཡིག་སྤེལ་ཞོར་དྲ་ཚོགས་དངོས་ལ་ལྟ་སྐབས་གཡས་གཡོན་དུ་ Quick Edit དང་ Wrench རྟགས་དེ་དག་འཆར་འོང་གི་ཡོད། དེས་དྲ་ཚིགས་ལ་མཛེས་ཆ་མི་མཐོང་ལ། རྟགས་དེ་རིགས་མང་པོ་ཡོད་དུས་གསུན་སྣང་ཞིག་བསྟེར་གྱི་ཡོད། དེར་བརྟེན་རྟགས་དེ་གཉིས་མེད་པ་བཟོ་དགོས་པ་ཡོང་གི་ཡོད།

དཀར་ཆག

1. Wrench སུབ་སྟངས།
1. ཐབས་དང་པོ། CSS སྤྱད་དེ་ Wrench མི་མངོན་པ་བཟོ་སྟངས།
2. ཐབས་གཉིས་པ། HTML Comment Tag སྤྱད་དེ་ Wrench སུབ་སྟངས།
3. ཐབས་གསུམ་པ། Wrench གཏན་དུ་སུབ་སྟངས།
2. Quick Edit སུབ་སྟངས།
3. བརྙན་ཟློས་ལན་ནས་སློབ་སྟོན།

(A) Wrench སུབ་སྟངས།

སྐམ་པའི་རྟགས་དེ་སུབ་དགོས་ན། བྱེད་སྟངས་སྣ་ཁ་གསུམ་ཡོད། དེ་དག་ལས་གང་ཞིག་ཁྱེད་ལ་ལས་ལྷ་བ་འདུག་བསམ་ན་དེ་ནས་ཐབས་ལམ་གཅིག་སྤྱད་ན་ཆོག

(A.1) ཐབས་དང་པོ། CSS སྤྱད་དེ་ Wrench མི་མངོན་པ་བཟོ་སྟངས།

ཁྱེད་ཀྱིས་ CSS སྤྱད་ནས་སྐམ་པའི་རྟགས་དེ་གསུབ་ཐུབ། ཐབས་ཤེས་གསུམ་གྱི་ནང་ནས་སྟབས་བདེ་ཤོས་དང་གཏན་ཤོས་ཤིག་རེད། ཁྱེད་ཀྱིས་གཤམ་གྱི་ CSS Code དེ་བཤུས་ཏེ་དྲ་ཚིགས་འདེམས་སྒྲོམ་ནས་ Theme > Customize >Advanced > Add CSS ཐོག་བཀོད་དགོས།

དེ་རྗེས་  Apply to Blog  ཟེར་བ་དེའི་ཐོག་གནོན་དགོས།

[
.quickedit{display:none ! important}
]

དཔེ་རིས་ལ་གཟིགས།

(A.2) ཐབས་གཉིས་པ། HTML Comment Tag སྤྱད་དེ་ Wrench སུབ་སྟངས།

ང་ཚོས་ HTML བཏགས་པའི་རྒྱུད་རིམ་ནང་མཆན་བཀོད་བྱེད་དུ་ Comment Tag <!--        -- > འདི་འདྲ་ཞིག་བཀོད་ཀྱི་ཡོད། དེར་བརྟེན་སྐམ་པའི་རྟགས་བཀོད་སའི་ HTML དེ་དག་མཆན་གྱི་རྣམ་པར་འགྱུར་ན་འགྲིག སྐམ་པའི་རྟགས་དེ་དག་གི་ HTML གཏེ་བ་ནི་ <b:include name='quickedit'/> ཟེར་བ་དེ་རེད།

དྲ་ཚིགས་ཀྱི་འདེམས་སྒྲོམ་ངོས་ལས་ Theme > Edit HTML ནང་ངས་སུ་ཁ་ཕྱེ་ནས་ གོང་གི་ HTML code <b:include name='quickedit'/>  དེ་འཚོལ་ནས། དེའི་ཐོག་ !-- དང་ -- ཁ་སྟོན་བྱས་ཏེ་ HTML དེ་མཆན་གྱི་ངོ་བོར་བཟོ་དགོས། གཤམ་ལྟར།

HTML code དངོས་འཚོལ་དགོས་པ། <b:include name='quickedit'/> 
HTML code མཆན་གྱི་རྣམ་པར་བཟོས་པ། <!--b:include name='quickedit'/-->

དྲ་གནས་སུ་ལྷུ་ལྷག་ (widget) ཇི་ཙམ་ཡོད་དེ་ཙམ་གྱི་གོང་གི་ HTML code དེ་དག་ཆ་ཚང་མཆན་གྱི་རྣམ་པར་བཟོ་དགོས། གཤམ་གྱི་དཔེ་རིས་ལ་གཟིགས།

(A.3) ཐབས་གསུམ་པ། Wrench གཏན་དུ་སུབ་སྟངས།

ཐབས་ལམ་གསུམ་པ་འདི་ནི་གོང་གི་ཐབས་ལམ་གཉིས་པའི་ནང་ HTML code <b:include name='quickedit'/>  འདི་འཚོལ་ཏེ་ HTML དེ་དག་ཐད་ཀར་སུབ་ན་འགྲིག

(B) Quick Edit སུབ་སྟངས།

རྩོམ་དང་དྲ་ངོས་སུ་འཆར་བའི་སྨྱུག་གུའི་རྟགས་དེ་སུབ་རྒྱུ་ལས་ལྷ་པོ་ཡོད། དྲ་ཚིགས་ཀྱི་འདེམས་སྒྲོམ་ལས་ Layout > Main > Edit དེ་ནས་བསྐྱར་དུ་ Configuration Blog Posts ཟེར་བའི་འདེམས་སྒྲོམ་ཆུང་བ་ཞིག་འཆར་ངེས། དེའི་ནང་ངོས་ནས་ Show Quick Edit ཟེར་བ་དེ་འདེམས་ཐོ་ལས་མེད་པ་བཟོས་ན་འགྲིག

(C) བརྙན་ཟློས་ལམ་ནས་སློབ་སྟོན།

བརྙན་ཟློས་བཟོ་སྒྲིག་ཚར་བ་དང་འདིར་གང་མགྱོགས་སྤེལ་རྒྱུ།