སྤྲེའུས་སྐད་མི་འདྲ་བ་བརྒྱབ་ནས་དགྲ་བོ་མི་འདྲ་བ་ཡོང་གི་ཡོད་པ་ཤོད་ཐུབ་ཀྱི་ཡོད་པ་སྲོག་ཆགས་རིག་པ་བས་ཤེས་པ་དཔེར་ན་གཟིག་འཕྲད་སྐབས་ཁོ་ཚོས་ཁྱི་སྐད་འདྲ་བ་ཞིག་རྒྱག་གི་ཡོད་པ་དང་། བྱ་གླག་མགོ་དམར་མཐོང་དུས་མགྲིན་སྐད་དམའ་པོ་ཞིག་རྒྱག་གི་ཡོད་པ། དུག་སྤྲུལ་མཐོང་དུས་ "སི་སི" ཞེས་པའི་ཛ་དྲག་ཆེ་བའི་སྐད་རྒྱག་གི་ཡོད་ལྟ་བུ་རེད།
སྤྲེའུས་སྐད་མི་འདྲ་བ་བརྒྱབ་ནས་དགྲ་བོ་མི་འདྲ་བ་ཡོང་གི་ཡོད་པ་ཤོད་ཐུབ་ཀྱི་ཡོད་པ་སྲོག་ཆགས་རིག་པ་བས་ཤེས་པ་དཔེར་ན་གཟིག་འཕྲད་སྐབས་ཁོ་ཚོས་ཁྱི་སྐད་འདྲ་བ་ཞིག་རྒྱག་གི་ཡོད་པ་དང་། བྱ་གླག་མགོ་དམར་མཐོང་དུས་མགྲིན་སྐད་དམའ་པོ་ཞིག་རྒྱག་གི་ཡོད་པ། དུག་སྤྲུལ་མཐོང་དུས་ "སི་སི" ཞེས་པའི་ཛ་དྲག་ཆེ་བའི་སྐད་རྒྱག་གི་ཡོད་ལྟ་བུ་རེད།
ཁྲུང་ཁྲུང་གི་སྐད་ཆ་ནི་གཙོ་བོ་སྒྲ་གདངས་འགྱུར་ཁུག་མི་འདྲ་བའི་ཐོག་ནས་མཚོན་གྱི་ཡོད་ཅིང་། ཁྲུང་ཁྲུང་ཁྱུ་ཚོགས་ཟླ་འོད་འོག་ཏུ་གཉིད་དུ་ཡུར་སྐབས་སོ་ལྟ་བྱེད་མཁན་ཁྲུང་ཁྲུང་དེས་དོགས་ཟོན་ཆེ་བའི་མིག་ཅེ་རེར་གདངས་བསྡད་པ་དང་མགྲིན་པ་ནས་ཉེན་ཁ་གང་ཡང་མི་འདུག །བློ་བདེ་པོའི་ངང་གཉིད་ཉོལ་ཨང་ཟེར་བའི་དོན་ཡིན་པའི་སྐད་ཡང་ཡང་རྒྱག་གི་ཡོད་པ་དང་གལ་སྲིད་བཀྲ་མ་ཤིས་པའི་རིགས་བྱུང་ཚེ་ཁོས་ལམ་སེང་ཛ་དྲག་པོའི་སྐད་རྣོན་པོ་བརྒྱབ་ནས་ཁྲུང་ཁྲུང་ཁྱུ་ཚོགས་ཀྱི་གཉིད་དཀྲོགས་ཏེ་བྲོས་འགྲོ་རྒྱུའི་གྲ་སྒྲིག་བྱེད་དུ་འཇུག་གི་ཡོད་པ་དང།
དེ་བས་ཡ་མཚན་པ་ནི་སྲོག་ཆགས་ལ་ཡང་ "ཡུལ་སྐད" ཡོད་ཅིང་། ཨ་རི་སྨི་ཀྲི་ཁཱན་མཚེའུའི་འགྲམ་གྱི་ཕོ་རོག་དང་ཨི་ཊ་ལིའི་ཧྥོ་ལུའོ་ལུན་ས་གྲོང་ཁྱེར་ཉེ་འདབས་ཀྱི་ཕོ་རོག་བར་དུ་སྐད་བརྡ་འཕྲོད་ཀྱི་མེད་པ་དང་། གྲོང་ཁྱེར་ནང་གི་ཕོ་རོག་དང་གྲོང་གསེབ་ཀྱི་ཕོ་རོག་ཕན་ཚུན་སྐད་བརྡ་འཕྲོད་ཐུབ་ཀྱི་མེད་པ་དེ་དག་འདབ་ཚགས་རིག་པ་བས་ཞིབ་འཇུག་བྱས་ནས་ཤཻས་པ་རེད།
སྲོག་ཆགས་ཀྱི་སྐད་ཆ་ནི་ཧ་ཅང་ཕུན་སུམ་ཚོགས་ཤིང་ཡ་མཚན་ཆེན་པོ་ཡོད། བུང་བ་ནི་ཞབས་བྲོའི་ཉམས་འགྱུར་ལ་བྱང་ཆུབ་པ་དང་། འབུ་མེ་ཁྱེར་ནི་འོད་མདོག་དང་། འོད་ཤུགས། འོད་བཀྲ་ཡུན་བཅས་ལ་བརྟེན་ནས་སྐད་བརྡ་སྤྲོད་ཀྱི་ཡོད། ཨ་རི་ལྷོ་གླིང་གི་བྲག་ཕུག་ནག་ཁུང་ནང་སྡོད་མཁན་བྱིའུ་ཞིག་གིས་སྒྲ་འདས་རླབས་ཕྲེང་སྤྱད་དེ་ "སྐུད་མེད་རླུང་འཕྲིན"གཏོང་གི་ཡོད་པ་རེད།
སྲོག་ཆགས་ཀྱི་སྒྲ་རིག་པ་ནི་ཚན་རིག་ལག་རྩལ་གྱི་ཁྱབ་ཁོངས་མང་པོའི་ནང་སྤྱོད་རིན་ཆེན་པོ་ཡོད་པ་ཞིག་རེད། སུད་ཛི་ལེནྜ་ཀྱི་འདབ་ཆགས་རིག་པ་བས་ཤིང་ནགས་ནང་དུ་དགའ་བསུ་ཞུ་བའི་དོན་མཚོན་པའི་བྱིའུའི་སྐད་བརྡའི་རླུང་འཕྲིན་བཏང་བས་ཕན་བྱ་འབོར་ཆེན་ནགས་ཁྲོད་དུ་གཏན་སྡོད་བྱེད་རྒྱུར་འཁོར་ཡོད་པ་དང་། འཛིན་བཟུང་བྱས་མི་ཆོག་པའི་མཚོ་ཕག་ཚོ་དང་ཚོ་བྱས་ནས་ཉ་འཛིན་གྲུ་གཟིངས་བསྐོར་ཏེ་རྩེད་འཇོའི་སྐད་ཅོར་བརྒྱག་ནས་ལས་ཀར་གནོད་པ་སྐྱེལ་སྐབས། ཉ་སྐད་ཉེན་བརྡ་གཏོང་བའི་སྒྲ "ཏུའུ་ཏུའུ" ཞེས་པ་ཞིག་ཆུ་གཏིང་དུ་བཏང་མ་ཐག་མཚོ་ཕག་སྤྱོད་ངན་དེ་ཚོ་གཅིག་ཀྱང་མ་ལུས་པར་བྲོས་འགྲོ་གི་ཡོད་པ་རེད།
མཆན།