ཟིན་བྲིས་སུ། Facebook Like འགོད་སྟངས།

དྲ་རྒྱའི་སྤྱི་ཚོགས་ནང་ངོ་དེབ་ནི་དྲྭ་གྲོགས་མང་ཤོས་འདུས་སའི་ས་ཆ་ཡིན་པ་སྨྲོས་མི་དགོས། གལ་ཏེ་རང་ཉིད་ཀྱི་ཟིན་བྲིས་ཀྱང་ངོ་དེབ་ནང་སྤེལ་བ་དང་ངོ་...

དྲ་རྒྱའི་སྤྱི་ཚོགས་ནང་ངོ་དེབ་ནི་དྲྭ་གྲོགས་མང་ཤོས་འདུས་སའི་ས་ཆ་ཡིན་པ་སྨྲོས་མི་དགོས། གལ་ཏེ་རང་ཉིད་ཀྱི་ཟིན་བྲིས་ཀྱང་ངོ་དེབ་ནང་སྤེལ་བ་དང་ངོ་དེབ་ནང་ཡོད་པའི་གྲོགས་ཕོ་མོ་རྣམས་དང་གླེང་མོལ་ལྷུག་པོ་ཡོང་རེ་འདོད་ན། ངོ་དེབ་ཀྱི་ཞབས་ཞུ་ Facebook Like ཅེས་པ་དེ་སྒེར་གྱི་ཟིན་བྲིས་ཐོག་འཇོག་རྒྱུ་ཡོད། དྲྭ་མྱུལ་བ་སུས་ཁྱེད་ཀྱི་ཟིན་བྲིས་ལ་དགའ་པོ་བྱུང་ན། Like (དགའ་པོ་བྱུང་།) ཞེས་པའི་ཐོག་བསྣོན་ནས་རྗེས་ཕྱོགས་ཁྱེད་ཀྱི་རྩོམ་གང་ཞིག་སྤེལ་ཡང་ཁོ་བོའམ་ཁོ་མོར་འབྱོར་ངེས།
གཤམ་ལ་ང་ཚོས་སྒེར་གྱི་ཟིན་བྲིས་སུ་ངོ་དེབ་ཀྱི་ཞབས་ཞུ་དེ་འཇོག་སྟངས་སྟོན་རྒྱུ་ཡིན།
༡༽ དེ་ལ་དང་པོ་ཁྱེད་ཀྱིས་ངོ་ཤོག་(Facebook Page)གཅིག་བཟོ་དགོས། ངོ་ཤོག་འདི་ནས་བཟོས།
༢༽ རང་གིས་འདོད་མོས་སམ་ཟིན་བྲིས་ཀྱི་ནང་དོན་ལ་གཞིག་པའི་འདེམས་ག་བྱེད། དཔེར་ན། "Artist,
Band, Public Figure" ལྟ་བུ།

༣༽ སྡེ་ཚན་(choose a category)གང་དུ་གཏོགས་པ་དང་། མིང་།(name) ངོས་ལེན་(I agree)སོགས་འགེངས་རྗེས་ Get Started ལ་བསྣོན།

༤༽ དེ་ལྟར་ངོ་ཤོག་(facebook page)དེའི་ཆེད་དཔར་དང་འགྲེལ་བཤད་རོགས་ཙམ་བཅུག
༥༽ དེ་ནས་དྲ་ཚིགས་འདིར་ཕྱིན། https://developers.facebook.com/docs/plugins/like-box-for-pages/
༦༽ Like སྡེ་ཚན་ལ་ཕྱིན་ནས་ སྟོང་ཆའི་ནང་ facebook page url་དང་། ཞེང་དང་དཀྱུས་ཚད་སོགས་གང་དགོས་འདེམས་སྒྲིག་བྱེད་ན་འགྲིགས།

༧༽ དེ་ཚར་བ་དང་ Ged Code ལ་བསྣོན།
༨༽ ཟིན་བྲིས་ཀྱི་ཆེད་ Plugin Code ཁག་ཁ་ཤས་ཡོད་པ་ལས་རང་གི་འདོད་མོས་ལྟར་བྱེད་མཆོག་ཡིན་ཡང་སྟབས་བདེ་བའི་ཆེད་IFRAME ལ་བསྣོན། དེའི་འོག་གི་ཡི་གེ་དེ་དག་མ་ནོར་བར་ལེན་(copy)

༩༽ ཟིན་བྲིས་ཀྱི་བཟོ་བཀོད་ཀྱི་རྒྱབ་ནས།  Layout > Add Gadgets ཐོག་གནོན། Add Gadgets གང་ཞིག་འདེམས་ན་དེའི་ཐོག་ facebook like box དེ་འཇོགས་ཀྱི་ཡོད།

Add Gadget གནན་པ་དང་སྒེའུ་ཁུངས་གསར་པ་གཅིག་ཁ་ཕྱེ་ཀྱི་རེད།༼ གཤམ་གྱི་རི་མོ་གཡོན་ལ་གཟིགས་ ༽ འདེམས་གའི་ནང་ནས་ HTML/JavaScript འདེམས། དེ་རྗེས་ཡི་གེ་བརྒྱག་སའི་ས་ཆ་ཞིག་མངོན་གྱི་རེད། ༼ གཤམ་གྱི་རི་མོ་གཡས་ལ་གཟིགས་ ༽དེའི་ངོས་ལ་བཤུས་(paste) མཐའ་མ་དེར་ Save ལ་ཆིག་སྡེབས་བྱས་ན་ད་བཟོད་ཁྱེད་ཀྱི་ཟིན་བྲིས་དང་ངོ་དེབ་དབར་འབྲེལ་མཐུད་ཟིན་པ་ཡིན།