སྔ་དྲོ་ཆུ་ཚོད་ ༨ པ་ནས་ ༩ བར་གྱི་སྐད་ཡིག་འཛིན་གྲྭ་ཚོགས་གཏན་འཁེལ་བ་ཤེས་འཕྲལ་སྤྲོ་བ་རབ་ཏུ་སྐྱེས་བྱུང། གུས་པར་ཆ་མཚོན་ན་བོད་ཡིག་འཛིན་གྲྭ་དེར་ཐོ་འགོད་བྱེད་རྒྱུའི་འདུན་པ་ཧ་ཅང་བྱུང་ལ་དེར་དམིགས་ཡུལ་ངེས་ཅན་ཞིག་ཀྱང་བཟུང་ཡོད།
ད་ལྟ་དུས་ཚོད་དང་། དགེ་རྒན། ཐུན་རྐྱེན་གསུམ་འཛོམས་ཀྱི་གོ་སྐལ་རག་པ་དང་བསྟུན་བོད་ཡིག་བརྡ་སྤྲོད་བསྐྱར་སྦྱོང་དང་ངེས་ཤེས་སྐྱེས་རྒྱུ། དེའི་དབང་གིས་བོད་ཡིག་གི་རྩོམ་ཡིག་གང་ཞིག་བྲིས་འདོད་ཀྱང་ཐེ་ཚོམ་གྱི་འཆིང་ཞགས་གྲོལ་བའི་སྤོབས་པ་ཞིག་བསྐྱེས་སྲིང་བྱེད་རྒྱུ་དེ་ཡིན།
དུས་ཡུན་ཟླ་བ་གཉིས། བསྡུས་ན་ཆུ་ཚོད་དྲུག་ཅུའི་འཛིན་གྲྭ་དེ་གཅིག་པུས་ངའི་དམིགས་ཡུལ་ཆ་ཚང་འཇའ་ཡུན་ཞིག་གི་ནང་བསྐོངས་མི་སྲིད་ཀྱང་། ངའི་བསམ་པར་དཔེ་དེབ་གང་མང་བལྟ་ཀློག་བྱེད་པའི་ཁར་བཤེས་མཉེན་དམ་པའི་སློབ་སྟོན་བཙིགས་སུ་བཟུང་བཞིན་བརྩོན་འགྲུས་དང་ཤེས་རབ་ཀྱི་རྟ་ཕོ་ལྕག་གིས་བསྐུལ་ན་དུས་ཡུན་ངེས་ཅན་ཞིག་གི་ནང་འབྲས་བུ་གཡུར་དུ་གཟར་བ་ཞིག་སྨིན་ཐུབ་ངེས་སེམས།
མཆན།